WAVER SERIES: Engineering Leaders Asia Company Limited 創辦人團隊 Dicky Path Tong、Gilbert Joa

Engineering Leaders Asia Company提供全面的企業培訓課程,以及客製化的營運改善方案。創辦人Dicky Path Tong 和Gilbert Joa以「Engineering Leaders」命名公司,除了是因為兩位皆為工程師出身,更重要的是有「精心雕琢」出領袖的意味。

新舊交融 滿足傳統和數碼化服務的需要

Dicky 和Gilbert 分別負責傳統的培訓課程和數碼化營銷策略改善方案。在美國出生的「ABC」 Gilbert 解釋:「我哋會了解佢個生意,佢個industry,跟住明白其實佢用咩voice 係會touch 到佢個target audience。」他又提到:「我哋會幫佢identify 咩位係會令到啲potential 客戶係會入咗嚟你個網站,跟住我哋會幫佢諗透過咩過程會成為咗一個客。我哋control 咗成個過程,我哋會幫佢落廣告,做Email Marketing,成個Package 咁俾佢。」

 

一老一嫩  差異擦出融合火花

Dicky 和Gilbert 早在十年前相識,當時就讀大學一年級的Gilbert 正參與Dicky 的青年領袖培訓班,還向Dicky 遞上私人公司的卡片,令Dicky 印象深刻。

他們笑稱他倆是「一老一嫩」的奇妙組合,成長背景的不同亦造成了文化及思想差異,又卻有點像周星馳和吳孟達般的搭檔,在合作過程中總是獲得不少得著。Dicky說:「我哋兩個有好大分別,但我覺得呢個係我哋有趣嘅地方,真係正正係有新同舊嘅交接」。他又指Gilbert 比他更熟悉利用數碼世界營商:「佢(Gilbert)教緊一啲嘢我唔識嘅,我真係要叫佢做契爺!」,表示在合作過程中正互相向對方學習。

 

「其實而家我喺度做緊咩?」一次激發創業心的契機

Gilbert 自小有一顆創業心,這除了是因為受到從事銷售行業的父親的熏陶之外,更可追溯到年少時一次死裡逃生的經歷,讓他徹底反省自我,定立創業的目標。

他憶述當時在美國的讀書成績差,與父親到處找大學時,遭到嚴重車禍:「揸住架老爺車,喺highway上面失控,一時衝咗去右手邊,跟住我阿爸就即刻拉去左手邊,跟住衝去左手邊,又即刻拉去右手邊。」事件過後,Gilbert經常自問:「其實而家我喺度做緊咩?大學又入唔到,又差唔多就死。」他亦受到Jim Rohn的書—《7 Strategies for Wealth & Happiness: Power Ideas from America’s Foremost Business Philosopher》的啟發,漸漸開始建立自己的目標,並計劃一番事業。

Gilbert 認為自己有一個敢於冒險的心是讓他創業的原因之一,亦是讓他年紀輕輕就比同年的人擁有更多人脈和經歷。他說:「你呢刻可能會覺得輸咗,lost a lot,但其實人好多時做嘅嘢,損失都唔會好大,你唔會去到瞓街咁。」他表示許多人因為怕失去現有的東西而不敢「搏」,然而他說:「你Hold 住個past,就睇唔到個future。」

對於Dicky而言,「先付出,總有回報。」是他的座右銘。他說見到一個年輕人如此有魄力和幹勁,他很希望跟Gilbert學習,並支持他所做的事,亦表示十分珍惜這段合作關係。他說十年後,自己「當打」之年過去,公司未來將會是屬於Gilbert的。他希望憑著如此信念,享受這次創業路上的過程。

 

工作地方的取向

除了年紀差異,工作環境上Dicky 和Gilbert也有不同的取向。Gilbert 說他現時把家中的客廳打造成工作地方,並配備合心水、舒適的家俱,讓自己更有動力投入工作。他說:「個set up 好,自然會更加想做嘢。」

然而,Dicky 則較抗拒在家工作,畢竟在企業世界工作多年,認為一個特定的上班環境較適合他。他說:「我鍾意有一個番工嘅環境,又可以同隔離鄰舍打吓招呼,甚至有合作機會,工作起來人都會有能量啲。」

他認為The Wave 在觀塘區是表現突出的共享工作間,亦提供靈活合適的租用方案,加上他認為與Wave Crew 的同事有默契,因此讓他選用了The Wave 作為工作地方。他現時租用The Wave 的一人房間,但不時又可以走到其他樓層hotdesk工作,讓眼睛及腦袋衝擊一下。他比較起傳統辦公室,說小公司未有需要租用辦公室時,共享工作間絕對是個好選擇。

Leave a Reply

Your email address will not be published. Required fields are marked *