SnapPop：讓線下的事物帶你到線上的世界
讀IT 出身的Ricky Lui於早年洞悉到圖像識別有特別的優勢，而且市場上多為線上到線下的營銷方式。
然而，他認為要達成更完整的O to O營銷，線下到線上的工作都十分重要，他舉例說：「例如嗰個人嗰一刻唔買，佢出咗個舖頭，咁我哋亦都可以提供一啲另外online 嘅互動，例如話send 啲notification 比佢，吸引佢去玩個遊戲，參加吓抽獎、送coupon。咁佢喺屋企收到呢啲online 嘅野之後，都係希望attract番佢黎買嘢咁。」於是，Ricky 與他的拍檔在4年前成立了科技公司—ConnectAR，以改善身邊環境的互動方式，連繫線上和線下的世界為使命，推出手機應用程式—SnapPop。
SnapPop 以「From Offline to Online, Simply Snap and Pop」為口號，意指透過利用SnapPop來拍攝不同事物（Snap），例如產品包裝、書藉、海報等，讓更多相關資訊或互動出現（Pop），包括遊戲、更多的資訊、抽獎等等，讓線下的事物帶你到線上的世界。
應用層面廣闊 達到互動新境界
SnapPop 可應用在不同業務，包括活動、展覽和零售，即使利用現有的佈置或包裝，不作任何改動，都能配合SnapPop，達到更豐富的數碼互動。Ricky申述：「譬如話廚房入面有枝醬汁，其實佢可能已經喺市面上賣緊，又冇一個好特定嘅QR code 喺上面嘅。通過我哋嘅技術，我哋可以認到產品嘅包裝，從而進一步提供到一啲互動，例如食譜、影片，甚至re-order，就唔使話一定要改你個packaging或者一定要加番個QR Code 落去先玩到咁。」
SnapPop 更推出了各行各業都適用的互動商業名片。只要名片一經掃描，人們就可以把你的聯絡資料儲存在手機裡。名片更配備了3D及AR（擴增實境）技術，增加互動性，亦可了解更多你公司的資訊。你也可以了解到名片的瀏覽量和互動數據，從而作進一步的行銷工作。Ricky 解釋：「當你今日派咗100張Business Card，你可以知道有幾多個人真係scan 咗你張business card 去睇多啲information。跟住，我哋可以再通過SnapPop 去send notification 比佢哋關於你自己或者你公司嘅最新promotions，變咗你個business card 由單向互動變做雙向嘅互動。」
積極研發新服務 配合長者和學童所需
SnapPop 計劃讓業務擴展到更多行業，擴闊服務的受眾群。Ricky 表示，考慮到目前疫情的影響，他們正積極研發一個名叫「StoryTellAR」的雙向Home Learning系統，希望幫助小朋友在家讀書時，透過手機掃描這本書就可獲得更多資訊、小測驗，甚至與教師互動等。而學校老師也可以透過手機提供互動給自己的學生，令學生們安在家中都可以聽到、看到自己學校熟識的班主任或老師提供的互動、讀音等等。
此外，SnapPop 還會以老年人士為新對象，推出新服務。Ricky 舉例：「譬如話啲獨居老人不識用搖控，佢哋可以用SnapPop scan 一scan 個搖控個樣，就會有啲語音嘅指示，或者用一啲語音嘅技術直頭出埋一啲箭嘴指示呢個掣係開關咁樣。喺過程中，佢哋唔使使任何輸入。」憑著SnapPop 簡單的介面和操作，他們希望藉此以科技方便長者的日常生活。
選擇The Wave 的原因
Ricky 現時使用The Wave觀塘的服務式辦公室，他認為The Wave最吸引之處是這裡提供商業交流的機會，亦提供一般辦公室缺乏的貼心服務，他說：「例如以前要自己去訂水，而家就首先慳咗錢啦，仲慳咗力。初初你望落去好似唔係好大嘅service，但其實慳到時間、慳到錢，咁你可以focus 喺你個業務。」
此外，他認為The Wave的地點方便，Waver 可以穿梭旺角和觀塘分行，需要時亦可以租用到彈性靈活的場地和會議室。加上，Wave Crew 給予熱情的招待，讓他更融入The Wave社區，期望未來可認識到更多其他行業的專才。