糖黐豆機械人公司的英文名字是BONBON ROBOTICS。當中的「BONBON」 在法文意指糖果、甜食。糖黐豆機械人公司的創辦人團隊希望他們研發的機械人像糖果一樣，吸引小朋友玩機械人之餘，學習背後的程序知識，幫助小朋友的日後發展。共同創辦人Matthew Wong表示：「希望喺香港推廣機械人嘅應用，鼓勵普羅大眾多啲接觸機械人，融入生活之中。

教育用途X現實生活應用 雙管齊下

糖黐豆機械人公司除了自主研發機械人，推動科普教育，亦有代理產品—Agile X。

Agile X 是一部輪式防疫消毒機械車，專為 COVID-19 疾病預防而設計，同時為室內外消毒防疫而開發，盡量減少感染地區的人力使用。它可用作大型戶外場地、街道、街市消毒，亦可服務於安全巡邏、農業、物流運輸、科研和教育等，經改裝後更可應用到不同行業。共同創辦人Leo Kwan說：「我哋代理嘅呢一部主要負責清潔一啲室外場地、好大型嘅活動空間，例如會展、球場、禮堂，喺香港目前係未有呢類機械人。」
他們又提到接下來會研發更多切合香港市場的機械人，他解釋：「因為Agile X機械人嘅體型比較大，所以我哋都研究緊體型細啲、方便喺辦公室移動同行駛，同埋做到乾噴效果嘅機械人。」

創業旅途上的難忘事

糖黐豆機械人公司創辦人團隊Matthew Wong、Leo Kwan和Hovis Ho都對機械人有濃厚興趣，加上了解到行業的前景，便開展了創業之旅。談到創業過程中的難忘事，他們提到好多事都不是想像中簡單。

Leo 說：「好多時出去demo（機械人）比人睇，都會有啲麻煩，譬如call 貨van 要預留啲位比部車，唔係想像中咁簡單。」而Matthew 則提到尋找工作地方時的困難，說：「搵辦公室嘅時候，睇過好多地方。可能一啲工廠大廈啲𨋢比較舊式啲，要自己開門，搭升降機又好似坐過山車咁。」Hovis 亦指在創業期間十分忙碌，體會到營運一間公司並不容易。

自主研發機械人 切合香港市場

在代理產品同時，團隊也正努力吸取不同人對機械人的意見，同時因應經驗和香港的特性來自主研發機械人。

Matthew 說：「大型企業，即係可能係一啲清潔公司、物業嘅管理層，同埋共享辦公室嘅負責人，佢哋都俾咗好多唔同關於機械人嘅意見我哋。呢啲都係一啲好珍貴嘅市場數據，不論係價錢、經營模式定規格。同埋，呢個機械人比較先進，配合一個底盤，但就正正因為咁，佢缺乏一個市場認知。喺測試市場嘅時候，我哋可以得到好多人嘅反饋，去改善包括大細，實際遇到嘅困難等。呢啲數據就幫到我哋之後去研發我地自己機械人個時可以更加得心應手。」

The Wave

糖黐豆機械人公司創辦人團隊現時使用The Wave 觀塘的服務式辦公室，他們認為The Wave的配套完善，提供不少租戶之間的連繫機會，推動業務發展。

Leo 認為The Wave 的配套讓會員之間有碰面和交流的機會。他提到The Wave 茶水間裡有咖啡機、雪櫃、微波爐，又有接待處，能增加租戶之間碰面和交流的機會。他比較一般工廠大廈，說工廈缺乏完善的接待處，「一啲普通嘅工廠大廈甚至reception都冇，咁樣就會令碰面機會少咗，同其他租戶之間嘅交流都少咗；就算有reception，個reception 都比較細，可能就咁得一張台，甚至可能冇人。」

Leo又指在The Wave，租戶會互相合作，亦有前輩給予意見，The Wave 亦為他們安排更多會面和採訪，「相對用差唔多嘅價錢，但就多咗好多支援。」Matthew 補充：「The Wave都俾咗啲支援，例如有Event，就會俾機會我哋用下機械人做清潔，等我哋嘅產品多啲亮相機會。」

而Hovis就覺得The Wave 除予提供更多社交機會，讓他們發掘更多商業的可能性，他還認為The Wave的職員都十分熱心幫忙，幫助他們的業務發展。